PU AICHHINGA’N MARTAR THLANMUAL A TLAWH

Urban Development Minister leh Martarte Thlanmual Construction Sub-committee Chairman ni bawk Pu Aichhinga chuan vawiin chawhnu khan Luangmual Remna Run bula Martarte Thlanmual siam mek chu a hmunah a tlawh.

 

Mizoram buai laia ram tana nunna hlantute hriatrengna Thlanmual siam tur hian kum 2000 khan a ngaihtuahtu tur Committee dinin, kum 2001 tawp lamah mimal ram lei fel a ni a. September ni 20, 2002 khan Chief Minister Pu Zoramthanga chuan Thlanmual Lungphum a phum a. June 2003 atangin ramri hung hna tan niin, kum 2005 kumtir atangin Thlanmual hna tan a ni ta a. Tunah chuan Reception building, chowkider quarter, martar ruhro dahna tur In chungah monument mawi tak, zana electric hmanga kah en theih leh thlan Block te chu zawhfel a ni tawh. Thlanmual chhuat leh thlan Block hi marble vara tuam chhuah vek an niin, monument pawh granite a tuam chhuah vek a ni bawk. Thlanmual sak nan hian tun thlenga pawisa hman tawh chu cheng nuai 233 niin tunah hian rawng hnawih leh tihfai hna thawh mek a ni.

ZH ROPUIA’N LENGPUIAH NCC AIR WING LUNGPHUM A PHUM

Vawiin chawhma dar 10:30 khan Lengpui Airport-ah Sports & Youth Services Minister ZH Ropuia chuan NCC Air Wing bunna tur lungphum a phum. He hun hi bialtu MLA Pu Lalthlengliana pawhin Khualzahawm niin a hmanpui.

Pu Zoliana Royte, Director, Sports & Youth Services, inkhawm kaihruaitu chuan Mizorama NCC lo din chhoh dan tlangpui a tarlang hmasa a. Kum 1963 khan Pu Saingenga hovin NCC din a ni a, zawi zawia lo thanglian in tun dinhmunah chuan 20 Ind. Coy NCC leh 1 Mizo Bn te an neih tawh thu sawiin School hrang hrangah NCC Unit 25 leh College-ah Unit 8 a awm thu a sawi. Hun engemaw chen atang khan NCC Air Wing din tura hmalakna lo awm tawh chu lo puitlingin tunah hian hna tan a nih mai tur thu sawiin Plan fund-ah cheng nuai 30 an neih thu a sawi a, Aircraft pawh NCC Director General in rawn pek a beisei thu a tarlang bawk.

Khuallian Pu Ropuia chuan vawiina Mizo thalaite hmakhua ngaihtuaha Sawrkar hmalakna tam tak avanga thalaite leh naupang zawkte vanneih thu sawiin heng ruahmannate hi a taka hmang tangkai thei tura inpuahchah a pawimawh thu a sawi a. Tuna NCC Air Wing din thei tura MZP ten hma an lo laknaah pawh lawmthu sawiin a tha zawnga Sawrkar tha tichaktu an nih thu a tarlang bawk. Minister chuan NCC Air Wing bakah hian Tourism department kaltlanga Aero Sport Scheme kalpui tum a nih thu a sawi a, heng atangte hian thalaite tan Pilot lama kal theihna pawh a inhawng viau dawn a ni a ti. Hotel Management & Catering zirna tur pawh din tum a nih thu leh Vaibelchhe 10 ruahman atangin Vaibelchhe 4 zet chu pawisa hmuh a ni tawh a ti bawk. Heng ruahmanna zawng zawngte hi thalai la naupang zawkte tan a ni tiin a hmang tangkaitu ni turin huaisenna leh tumruhna nen inpuahchah turin thalaite a fuih a ni.

Khualzahawm Pu Lalthlengliana chuan a bial chhunga hetiang hamthatna Sawrkarin a rawn bun avanga a lawmthu sawiin thalaite chuan an vanneihna hmang tangkai thiam se a duh thu a tarlang a. Sawrkar-in thalaite hmakhua a ngaih vanga Youth Commission din tura thutlukna a siam thu te, khawtlang inenkawlna tha zawk Municipal Council din te bakah tunah mai pawh hian state danga thalaiten eizawnna tha tak an hmuh theihna BPO Industry din turin hmalakna a puitlin tep tawh thute sawiin thalaite chu inelna thianghlima kawng hrang hranga intlansiak tura a duh thu a sawi.

Thusawitu dang Pu C.Lalhmachhuana, President, MZP chuan NCC Air Wing nei thei tur hian kum 2003 atang daih tawh khan agenda-a an lo neih ve tawh thute sawiin an theih ang angin harsatna tam tak karah he ruahmanna puitling tur hian hma an lo lak tawh dante a sawi a, vawiina a tak hmel a lo lang ta chu lawmawm a tih thu leh zirlaiten chhawr tangkai thei se a duh thu a sawi bawk.

Technical Report petu Pu Lalruata Sailo, SE, PWD, Project Circle chuan Airport chhunga GAD, Civil Aviation ram pekah thlawhtheihna te (2 seater) Micro-light aircraft dahna tur Hangar sak a nih tur thu sawiin tunlai technology thar steel frame in Pre-Engineer Structure hman a nih thu leh a thawk turin TATA Structura Company te thlan an ni a ti a. Hangar hian hmun 280.50 sq.m, a dung 30.2 mtr, a vang 9.3 mtr a awh tur thu  leh technical sanction cheng nuai 25.23 an neih tawh thu sawiin thla 8 chhunga sak zawh an beisei thu a tarlang.

Inkhawm hi Pu T.Sangkunga, Jt Secretary, S & YS in lawmthu sawiin a khar. Vawiin inkhawmah hian mi pawimawh tak takte bakah1 Mizo Bn NCC Cadet thahnem tak leh School leh College hrang hrang atanga NCC Cadet te an tel tha hle a. Govt. Mizo HSS NCC Band ten rimawi tumin hun an hmang bawk.

Airport chhunga Hangar tur bakah hian Office establishment hmun tur tha tak Airport hnai takah hian lei fel tawh a ni.

MADC EM Post ato awpa zy

Puhpa.M.Laikaw CEM MADC chata zahnia la liana khata he ary liata moh palasapa zy he EM Post liata angia awpata Governor hnohta apyhkheina ala.

1.  HC.Lalamalsawma Zasai. MNF

2.  LC.Hlychho.MNF.

3.  L.Khaichyu.MNF.

4.  NL.Hmunsanga.MNF.

5.  S.Lalremthanga.MDF.

6.  VB.Byhna.MDF.

7.  B.Tusa.MDF.

8.  Beisa Khithie,MNF.

       Tari 2/1 chho heta approval hmo awpata hnabeiseihpa acha. CEM heta Town Plannning Committee padua awpata hmahla ngahai ta, atahma tawhta daihti reileipa ta liata Mawra sawkha tawhta pasaina  ama hmo thei nata pangiasapa acha

SSA EXECUTIVE COMMITTEE MEETING NEIH A NI

Dt 3rd June 2008 dar 11:00 AM khan SSA Mission thuneitu sang, Executive Committee chu Chairman, Pi L. Tochhong, Principal Secretary, Education & Human Resource Development, etc hovin a office chamber-ah an thukhawm.

He Meeting hi an thutkhawm vawi 20-na niin member an kal tha hle a, kum kalta a SSA Mission hmalakna an thlir let bakah kum thar 2008-2009 a SSA sum ruahman Central Sawrkarin a pawmpui tak Rs. 6739.15 lakhs hman dan tur Programme of Action an thlirho bawk. Kum danga hna kal mek chhunzawm turte bakah thil thar a awm nual a, Kumin a hma lakna tur langsar zualah chuan

1.       Minority Concentrated District-ah a bika hma lak dan tur.

2.      Educationally backward Block a Computer Education Special Package siam.

3.      Khawpui chhunga naupang rethei zualte lehkha zirtirna tur (Education for urban deprived chilren) ruahmarma siam.

4.      District tina Residential Hostel din.

5.      Naupangte lehkha zir tiphur thei zawnga Sport Programme kalpui dan tur leh District leh State level a academy tha leh changtlung din.

He meeting-ah hian Central atangin Arun Sharma, Under Secretary School Education & Literacy Ministry of Human Resource Development a lo tel bawk

AN DANG

Lawngtlai a Region Gov’t Higher Secondary School a zirlaite chuan he school a Teachers Post thenkhat ruak te hnawhkhah phut nan H/S kal tur te an dang a, zirlai ten an sawi dan chuan he school ah hian Subject pawimawh tak tak pahnih ah Teachers an awm lo chu zirlai in kan tuar nasa a, chuvangin sawrkar hian min hnawkhah sak thuai kan phut ani an ti

Source : Saiha Post Daily News Paper.

MAMI VARTE

MSO Hqrs Siha Zyta Illegal trader zy pacha peimawh

MSO Gen.Hqrs Siaha zy chata Illegal trader, ILP alaichadai na raih ama hria lyma hai, Licence sublet chhao thatlo kawpa ta alaichadai lyma pata a list chhao ama vao hapa ta pahnopa a cha. MSO zy chata Rah chi nata Pho pabohsana kyh liata hmahamalana kyh liata zawpi nata sawkha zy hraiparao awpa ta ama hrua.

MTP General Hqrs Siaha News

Date 6-7 June 08 pa liata Myanmar chakahna atao ngahaipa zy bao nawpata Siaha Khipi liata Live Concert MTP(H) & MTP Myanmar, MHP Siaha zyta pachhuapanoh pa a cha aw. Ticket mah Rs.100/- Rs.50/- Rs.20 a cha aw.

MTP(H) Siaha zyta atahma tawhta ko phuahpa thatlo kawpata siekhei lyma awpa ama chhuah, Sahma ataopa  ama patupa rai rai zycha TV Local nata DDK liata papua lymapa ama cha aw. Siaha District tawhta papuapa nata O hmo taihta Cencel pa lyma ama chhuah.

SDDVC(MJA-MTP) paduapa achapa chata theila pha kawpa pathei lyma. Saiha District Water Commisison chata Tlahpi(Zotlang) liata Ti eima lana chaipa nata Siaha khipi mania chyh tuhpa cha asu lia cheingeita tly eita, natlah achhi leizie asu liata ama hmo.

CONFERENCE ON TECHNOLOGY FOR RURAL INDIA : CHALLENGES & PERSPECTIVES

Rampum huapa Engineering leh Technology lam thiam inthlunkhawmna pawl awmchhun The Indian Society for Technical Education (ISTE) chuan ISTE Day 2008 pualin 31 May -1 June khan Netaji Subhas Institute of Technology, Dwarka, New Delhi-ah Conference on Technology for Rural India : Challenges & Perspectives’ an hmang a. ISTE chuan Mizoram Governor Lt Gen (Rtd) M M Lakhera, PVSM, AVSM, VSM chu India ram thingtlang khua tihhmasawn kawnga a inpekna hriatpuiin, May ni 31 tlaia Conference hawnnaah Khuallian-ah an sawm a ni.

Governor chuan Conference hawnna thuchah sawiin ramchhung hmasawnna kawnga engineering chawikan chungchangah te, engineering lam zirtirtu leh zirlaite hmakhua chungchanga an hmalakna ah ISTE te chu a fak a, rampum leh bial bik huapa lawmman an buatsaih thinte chu a hlu hle a ni, a ti. Thingtlang hmun kilkhawrte pawhin khawpui ami te mamawh ang tho an mamawh laiin tunlai thiamna lama hmasawnna ah thingtlang leh veng kilkhawrte mamawh ngaihthah a ni thin chu pawi a tih thu tarlangin technology hmasawnna chuan mite hip tur thil dehchhuah ngawr ngawr lam aiin thingtlang hmun kilkhawr bera mite pawhin an chhawr phak tur thil thar siam chhuah lamah hma sawn tum se a duh thu a sawi a. India tana chona lian tak chu thingtlang hmun kilkhawra chengte kawng hrang hranga hma an sawn theihna tura kan ram mihring leh leilung hausakna chhawr tangkai a zirna tha, hmasawnna ruangam nghet, buh leh thlai thar chhuah leh inkalpawhna tha neih te a ni ang a ti a. India mipui zaa 70 te chu thingtlanga cheng hmasawnna in a thlen phak tak tak theih loh te an ni tiin hei hian thingtlang atanga khawpuia pem an pun phah thin a, chu chuan khawpui hmasawnna pawh nasa takin a ti thuanawp pha thin a ni, a ti a. Chuvangin kan thingtlang khuate kan tihhmasawn loh chuan India ram hian hmasawnna tluantling a nei tak tak thei ngai lovang a ti bawk. Hmasawnna chuan innghahna bulbal nghet mahse duhamna lam nilo a nei tur a ni a, vawiina India in a mamawh ber chu mithiamte chochhuak thei thiamna hmanga hmasawnna a ni, MM Lakhera chuan a ti.

Prof. O.P. Mishra, Pro-Vice Chancellor, IGNOU Khualzahawm niin Dr Thokchom Meinya, Manipur MP leh Mr B.V. Selvaraj, IAS, Administrator, Andaman & Nicobar Islands te pawhin he Conference hi an chhim a ni.

ISTE hi India rama engineering leh technology lama hma latu pawimawh tak niin sorkar laipui hmalakna tam tak tihpuitlinna kawnga thawhhlawk tak thin a ni a. An pawl thil tum ber pakhat chu thilsiamna hrang hrang (indutries) lama engineers leh technicians rinngam tak tak chherchhuah leh an hnathawhte rampum tana chhenfakawm ngei tura tanpui leh kawng kawhhmuh te a ni a. Khawpui ai mahin India ram thingtlang leh hmun kilkhar zawkah te an hmalakna hi an ngawr leh zual a ni.

Conference hawnna-ah hian Mizoram Governor thukhawchang lawrkhawm – ‘Towards Resurgent India’ – tih chu Prof Ranjit Singh, Director, NSIT in a tlangzarh nghal a. He lehkhabu ah hian kum 2002-2007 inkara Mizoram Governor thuziak leh thusawi engemawzat, Mizoram a lo chuanchhuah hmaa Pondicherry leh Andaman & Nicobar Islands-a Larsap a nih laia hmun hrang hranga a thusawi engemawzat te pawh telh a ni.

33 KV POWER GRID SUB-STATION RAWPUICHHIP-AH HAWNG

Inrinni kalta 31st May khan 33 KV Power Grid Sub-Station, nuai 243 senga bun chu Rawpuichhip-ah ZIDCO Chairman leh bialtu MLA Pu Lalthlenglianan a hawng. Sub-Station hawnna puala inkhawm Rawpuichhip Community Hall-a neih chu P& E Engineer-in-Chief C.L. Thanglianan a kaihruai a, technical report Er. David C. Zahmuaka, EE, Mamit Power Division in a pe. Khuallian bialtu MLA chuan thu sawiin Rawpuichhip tlangdung in kawlphetha lama harsatna namenlo an tawh thin chu he Sub-Station thar hian a phuhruk ngei a beisei thu sawiin department a thawktu hrang hrangte chungah lawmthu a sawi a. Mizoram sorkar hian kawng tinrengah hmasawnna tam tak a thlen tawh a ni tiin Oil leh Gas zawng chhuak tur pawhin tunah hian chak tak hmalak mek a ni a ti a. Mizote hi hnam hruai nuam tak kan ni a, chuvangin a chhuanchhe zawng ngawt lova a tha lam thlir a inzirtir tur leh chu chuan hmasawnna pawh a thleng ngei ang, ZIDCO Chairman chuan a ti. He Power Sub-Station hawn tak hi Rawpuichhip tlang dung khaw 11 chawm thei tura beisei a ni.