PASAIHPHA.NET » Mizoram News

THUPEK

pasaihpha — Sat, 07 Jun 2008 08:33:42 +0000

Tunlai hian mi tute emaw chuan damdawi hmansual theih chi Doctor te chawh ni silo mihring taksa hriselna khawihpawi thei leh nunphung tibuai thei, thihna thlen mai thei an addict tih hriat a ni a. Chung damdawi te chu a hnuaia tarlante hi an ni :-

1.    Cough Syrup containing Codeine Phosphate I.P.
    a) Zepdyl        b) Ephrilime        c) Rexcof        d) Codistar
    e) Throssex        f) Codicon            g) C-Kof etc.

2. Tabs, Capsules, Injection of Tramadol, Tramateur etc.

3. Benzodiazepine preparation like Alprax, Zocam, Zolam, Nitrazepam, Diazepam etc.

4. Capsules containing Dextropropoxyhene Hcl.

5. Capsules of Spasmoproxyvon.

A chunga damdawite hi damdawi zuartu licence pekte ngei pawhin Doctor chawh lovin an pe chhuak thin a ni tih hriat a ni bawk.

He hi mihring nunna atan leh hnam pum chhiatna a thlen theih avangin Sec. 144 Cr.P.C. tlawchhanin Sub-Divisional Magistrate, Aizawl Sadar Sub-Division, Aizawl district chuan a hnuaia thupekte hi a chhuah :

1. Aizawl District huam chhunga Damdawi zuartuten a chunga damdawi tarlan leh ruihtheih thil lam reng reng approved Doctor chawh ni si lo chu, mimal hnenah an pe chhuak tur a ni lo.

2. Damdawi zuartuten damdawi an hralh chhuahin, Doctor-in uluk taka Damlo a chawhte, an hman tawk tur chiah an pe chhuak thin tur a ni.

3. Mimalin hetiang ruihtheih chi Damdawi reng reng hi phalna nei lovin a kawl tur a ni lo.

4. Damdawi zuartuten an Licence huam bak Damdawi ruihtheih chi reng reng an kawl tur a ni lo.

He thupek hian :

1. Damdawi zawrh phalna Licence, la nung ngei kawltute a huam lo vang.

2. Sawrkarin a pawm Doctor-te lehkha nei Damdawi hmangtu/leitute a huam tel lovang.

Thupek hi sut leh a nih loh chuan ni sawmruk chhung a huam ang.

MIFCO PLANT THUAM THAT LEH TIH CHANGTLUN NAN CM HOVIN MEETING NEI

pasaihpha — Sat, 07 Jun 2008 08:32:18 +0000

Chief Minister Pu Zoramthanga’n nimina MIFCO Plant a tlawh tuma thuam that ngai leh mamawh dang an neihte a hmuna a han en tih puitlin anih theih nan vawiin khan a office ah ruahmanna siampuiin sorkar mi pawimawhte nen meeting pawimawh tak an nei.

Chief Minister kaihhruaina hnuaiah meeting chuan Mizoram Food Park, Chhingchhip atan Rs.15 Lakhs senna tur Weigh Bridge,Technical civil Works leh Land development atan pek remtih ani a. Cold Storage atan Generator 100 KVA P&E Deptt atangin pek ni se tih ani bawk a.Fruit Juice Concentrate Plant thuam that nan Rs.53 Lakhs pek remtih ani bawk a.Heng bakah sapthei lei nan ‘support price siam remtih ani bawk ani. Sapthei vawn thatna tur plastic crate 5000 an mamawh pawh Hoticulture deptt lamin tum sak se tih remtih ani a, sapthei hriak lak chhuahna ( passion fruit oil expeller unit) pawh Agriculture deptt in tum sak bawk se tih remtih ani bawk.

MIFCO hmun Chhingchhip ami Mizoram Food Park tia hriat hi 30 acres ( tin 30 hmun) a zau ani a.He hmun ah hian in tur leh ei tur sawngbawlna (Food processing hrang hrang) zawng zawng chu dah khawm vek tura ruahman ani a.A chhan chu an mamawh hrang hrang, electric ,tui, cold storage, warehouse,quality control laboratory etc. a thuhmun vek avangin hmun khata dahkhawm hi a remchang ani.Food factory hrang hrang 21 awm theihna tura ruahman ani a.Tunah hian factory 2 ,fruit juice concentrate plant leh mushroom cultivation factory bun fel ani tawh a.A hmasa zawkah phei hi chuan sapthei,serthlum, lakhuihthei,baibing leh rawtuai te nasa taka siam chhuah mek zel ani.Tunah hian factory dang 4 bun turin hmalak mek ani bawk.

Sapthei tui concentrate siam chhuahna tur khawl Italy siam hi hawn theih ala nih loh chhan pawh a rawn supply tu Pennwalt Ltd India amithiam ten test run an rawn tih theih rih loh vang mai ani a,an remchan hun nghah mek ani.Hawn anih hunah chuan Green Cover Overseas in a concentrate tui hralhna tur ram pawn thlengin an gnaihtuah ang a,tunah pawh hian Singapore leh Europe ram ah te lei duh an hmuh tawh thu an sawi ani.

Food Park tuipuitu leh tih hmasawn duhtu Chief Minister Pu Zoramthanga chungah MIFCO hotute leh Mizoram Passion Fruit Growers Association ten a chungah an lawm hle thu nimin khan an sawi nghe nghe ani.

Vawiin meeting ah hian MIFCO Chairman D.Thangliana,Advisers to CM Lalhuapzauva leh K.V.Tlangmawia te,Principal Secretary to GOM L.Tochhawng,Finance hotute,Planning Adviser,Industries,Agricultue leh Horticulture hotute, MIFCO Managing Director Lalzarliana Renthlei leh Dy. Director (Project) Sangzuala bakah Officers pawimawh dangte an tel ani.

SALE TAX RATE TLAHNIAM

pasaihpha — Fri, 06 Jun 2008 06:04:51 +0000

Govt. of India, Ministry of Finance (Deptt. of Revenue) in Notification No. 1/2008-CST-F. No. 28/11/2007-ST ni 30.5.2008 ah a tih chhuah angin Central Sales Tax (CST) rate 3% ni thin chu 2% ah 1.6.2008 atang khan tih hniam a ni.

OIL MAN THAR

pasaihpha — Fri, 06 Jun 2008 06:02:16 +0000

Rampum-ah IOC in tuialhthei man nizan atang khan a ti pung a, Mizoram ah pawh hetiang hian tih pun a ni.

Sl. Location M.S. (Pertol) Extra Premium HSD (Diesel) Extra Mile
No. Per Lit. (PremiumPetrol) per Lit. (Premium Diesel)

1. Aizawl        49.71            53.71        34.29            36.54
2. Champhai    49.83                           34.35
3. Kolasib        49.60                          34.23
4. Lawngtlai    49.66                            34.26
5. Lunglei        49.71                           34.29
6. Serchhip        49.72                      34.29
7. Hnahthial     49.66                           34.27
8. Saiha         49.73                           34.30

PU AICHHINGA’N MARTAR THLANMUAL A TLAWH

pasaihpha — Wed, 04 Jun 2008 11:28:11 +0000

Urban Development Minister leh Martarte Thlanmual Construction Sub-committee Chairman ni bawk Pu Aichhinga chuan vawiin chawhnu khan Luangmual Remna Run bula Martarte Thlanmual siam mek chu a hmunah a tlawh.

Mizoram buai laia ram tana nunna hlantute hriatrengna Thlanmual siam tur hian kum 2000 khan a ngaihtuahtu tur Committee dinin, kum 2001 tawp lamah mimal ram lei fel a ni a. September ni 20, 2002 khan Chief Minister Pu Zoramthanga chuan Thlanmual Lungphum a phum a. June 2003 atangin ramri hung hna tan niin, kum 2005 kumtir atangin Thlanmual hna tan a ni ta a. Tunah chuan Reception building, chowkider quarter, martar ruhro dahna tur In chungah monument mawi tak, zana electric hmanga kah en theih leh thlan Block te chu zawhfel a ni tawh. Thlanmual chhuat leh thlan Block hi marble vara tuam chhuah vek an niin, monument pawh granite a tuam chhuah vek a ni bawk. Thlanmual sak nan hian tun thlenga pawisa hman tawh chu cheng nuai 233 niin tunah hian rawng hnawih leh tihfai hna thawh mek a ni.

CONFERENCE ON TECHNOLOGY FOR RURAL INDIA : CHALLENGES & PERSPECTIVES

pasaihpha — Mon, 02 Jun 2008 09:37:50 +0000

Rampum huapa Engineering leh Technology lam thiam inthlunkhawmna pawl awmchhun The Indian Society for Technical Education (ISTE) chuan ISTE Day 2008 pualin 31 May -1 June khan Netaji Subhas Institute of Technology, Dwarka, New Delhi-ah Conference on Technology for Rural India : Challenges & Perspectives’ an hmang a. ISTE chuan Mizoram Governor Lt Gen (Rtd) M M Lakhera, PVSM, AVSM, VSM chu India ram thingtlang khua tihhmasawn kawnga a inpekna hriatpuiin, May ni 31 tlaia Conference hawnnaah Khuallian-ah an sawm a ni.

Governor chuan Conference hawnna thuchah sawiin ramchhung hmasawnna kawnga engineering chawikan chungchangah te, engineering lam zirtirtu leh zirlaite hmakhua chungchanga an hmalakna ah ISTE te chu a fak a, rampum leh bial bik huapa lawmman an buatsaih thinte chu a hlu hle a ni, a ti. Thingtlang hmun kilkhawrte pawhin khawpui ami te mamawh ang tho an mamawh laiin tunlai thiamna lama hmasawnna ah thingtlang leh veng kilkhawrte mamawh ngaihthah a ni thin chu pawi a tih thu tarlangin technology hmasawnna chuan mite hip tur thil dehchhuah ngawr ngawr lam aiin thingtlang hmun kilkhawr bera mite pawhin an chhawr phak tur thil thar siam chhuah lamah hma sawn tum se a duh thu a sawi a. India tana chona lian tak chu thingtlang hmun kilkhawra chengte kawng hrang hranga hma an sawn theihna tura kan ram mihring leh leilung hausakna chhawr tangkai a zirna tha, hmasawnna ruangam nghet, buh leh thlai thar chhuah leh inkalpawhna tha neih te a ni ang a ti a. India mipui zaa 70 te chu thingtlanga cheng hmasawnna in a thlen phak tak tak theih loh te an ni tiin hei hian thingtlang atanga khawpuia pem an pun phah thin a, chu chuan khawpui hmasawnna pawh nasa takin a ti thuanawp pha thin a ni, a ti a. Chuvangin kan thingtlang khuate kan tihhmasawn loh chuan India ram hian hmasawnna tluantling a nei tak tak thei ngai lovang a ti bawk. Hmasawnna chuan innghahna bulbal nghet mahse duhamna lam nilo a nei tur a ni a, vawiina India in a mamawh ber chu mithiamte chochhuak thei thiamna hmanga hmasawnna a ni, MM Lakhera chuan a ti.

Prof. O.P. Mishra, Pro-Vice Chancellor, IGNOU Khualzahawm niin Dr Thokchom Meinya, Manipur MP leh Mr B.V. Selvaraj, IAS, Administrator, Andaman & Nicobar Islands te pawhin he Conference hi an chhim a ni.

ISTE hi India rama engineering leh technology lama hma latu pawimawh tak niin sorkar laipui hmalakna tam tak tihpuitlinna kawnga thawhhlawk tak thin a ni a. An pawl thil tum ber pakhat chu thilsiamna hrang hrang (indutries) lama engineers leh technicians rinngam tak tak chherchhuah leh an hnathawhte rampum tana chhenfakawm ngei tura tanpui leh kawng kawhhmuh te a ni a. Khawpui ai mahin India ram thingtlang leh hmun kilkhar zawkah te an hmalakna hi an ngawr leh zual a ni.

Conference hawnna-ah hian Mizoram Governor thukhawchang lawrkhawm – ‘Towards Resurgent India’ – tih chu Prof Ranjit Singh, Director, NSIT in a tlangzarh nghal a. He lehkhabu ah hian kum 2002-2007 inkara Mizoram Governor thuziak leh thusawi engemawzat, Mizoram a lo chuanchhuah hmaa Pondicherry leh Andaman & Nicobar Islands-a Larsap a nih laia hmun hrang hranga a thusawi engemawzat te pawh telh a ni.

33 KV POWER GRID SUB-STATION RAWPUICHHIP-AH HAWNG

pasaihpha — Mon, 02 Jun 2008 09:34:09 +0000

Inrinni kalta 31st May khan 33 KV Power Grid Sub-Station, nuai 243 senga bun chu Rawpuichhip-ah ZIDCO Chairman leh bialtu MLA Pu Lalthlenglianan a hawng. Sub-Station hawnna puala inkhawm Rawpuichhip Community Hall-a neih chu P& E Engineer-in-Chief C.L. Thanglianan a kaihruai a, technical report Er. David C. Zahmuaka, EE, Mamit Power Division in a pe. Khuallian bialtu MLA chuan thu sawiin Rawpuichhip tlangdung in kawlphetha lama harsatna namenlo an tawh thin chu he Sub-Station thar hian a phuhruk ngei a beisei thu sawiin department a thawktu hrang hrangte chungah lawmthu a sawi a. Mizoram sorkar hian kawng tinrengah hmasawnna tam tak a thlen tawh a ni tiin Oil leh Gas zawng chhuak tur pawhin tunah hian chak tak hmalak mek a ni a ti a. Mizote hi hnam hruai nuam tak kan ni a, chuvangin a chhuanchhe zawng ngawt lova a tha lam thlir a inzirtir tur leh chu chuan hmasawnna pawh a thleng ngei ang, ZIDCO Chairman chuan a ti. He Power Sub-Station hawn tak hi Rawpuichhip tlang dung khaw 11 chawm thei tura beisei a ni.

MADC ah MNF leh MDF ten sawrkarna an siam leh daw ta:)

pasaihpha — Mon, 02 Jun 2008 05:29:08 +0000

Saiha June 2, Congress leh MDF Sawrkarna chu MDF ten Congress an thlawpna an inhnudawhsan tak avangin tun inrinni Date 31.5.08 at 10:00 Am khan MADC Session Hall ah Pu.S.Khipo CEM chu thlawptu member angah tawk leh tawk loh fiah niin MNF leh MDF ten an phar thla ta a ni. Pu.M.Laikaw MDC Tongkalong Bialtu chu CEM tan phar tlin nghal a ni. Chairman chuan Pu.S.Khipo Ex-CEM chu thusawina neih turin asawm a, Pu, S.Khipo chuan Sawrkarna akal tlung tawhlo chu pawii atiin, ram leh mipuite mualphona ani tiin, Cong leh MDF te tahwhona ah engmah harsatna a awm lova, MDC inthlan na ah pawh party 2 tanghova kan beih avangin MDF 7 leh Cong 8 kan tling a, lungrual takin sawrkarna kan kalpui laiin hetiang boruak alo thleng mai hi hriatthiam harsa ati thu asawi bawk.

Pu.M.Laikaw hian CEM tana thlawptu member 22 ah 14 aneih tak avangin hemi chungchang hi Governor hnenah hriattir nghal a ni a, tun inrinni tlai khan CEM atan CEM atan Governor approval hmuh nghal niin, vawiin June 2 , Dar 11:00 am hian CEM atan rinnawmna thu tiamtir nghal in, CEM tan lakluh ani nghal ang.

MADC sawrkarna chiang ta. rei adaih leh angem :)

pasaihpha — Sat, 31 May 2008 07:56:36 +0000

Vawiin Saiha, Date 30.5.08 chhun dar 11:00 khan Pu.S.Khipo kaihraui sawrkar chu fiah ani ta. He special seesion ah hian MDF leh MNF Joint legislature te chuan hneh takin chhun dar 12 vel khan Pu.S.Khipo kaihruai sawrkar na chu an moove thla ta a ni.

He Sawrkarna thar MDF leh MNF Sawrkar turah hian Pu.M.Laikaw,MDC(Tokalo Bial) chu CEM atan ruat a ni a, EM Portfolio paw arang lama sem thuai ani dawn thu an sawi bawk.

Melriat MZP ten zirlai titha te an chawimawi

pasaihpha — Fri, 30 May 2008 11:32:25 +0000

Vawiin May ni 29 hian Melriat MZP te chuan zirlai hlawhtlingte chawimawina hun an khaw Community hall an an buatsaih a, Bialtu Minister pu B.Lalthlengliana’n a hmanpui. Zirlai titha te Chawimawina inkhawm hi Pu Zadingliana President MZP Mel 8 branch in a kaihruai a, hetiang hun melriat khua in an nei thei chu an khawtlang chuan lawmawm an tih thu a sawi a, report petu MZP Melriat Branch secy chuan zirlai 31 hlawhtling an neih te chu Doctor, MA, BA, HSSLC, HSLC pass chhuak an ni tih a sawi a, kumin a HSLC result chhuak ah khan za zela 83.3 in an passed a, hetiang Result tha hi an khua in an la neih ngai loh thu leh lawmawm an tih thu a sawi bawk.

Khuallian Pu B.Lalthlengliana minister hi MZP te chuan thilpek an hlan a, hemi hnu hian zirlai hlawhtling 31 te hnen ah Pu thlenga chuan chuan Certificate a hlan a ni. thu sawiin pu Thlenga chuan zirna kawng ah Class I atanga lan lak a ngai tawh a, theihtawp chhuah zirlai te bak ah zirtirtuten tan an lak a tul hle a, mi hmantlak a in chher turin Frofessional line ah tan kan lak a tul hle a ni a ti. BA ni a kut hnathawh kan hnualsuat ngawt chuan a diklo tih kan hriat a tul a, Call Centre ah te Mizo te hi hnathawk turin min duh bik a, tawng lam ah tan la thar ila sap tawng hi hmang zak lovin kan thiam tawk tawk ah hmang ngam ila a tha hle ang a ti a, tawng hi communication pawimawh tak a ni a, hnamdang te hian lehkha ni khat ah darkar 14 an zir thin a, kan lehkha zir dan in en ila hetiang hian zir peih ila chuan hlawhchham a awm lo ang.

Nu leh pa ten an neih ang chhun sengin an fa te, phailam ah te Hostel ah an dah thin a hei hi len khawthawn nan te kan hmang mai mai a, a tawp ah kan hlawhchham leh thin a, hei hi kan sim a hun a, taimakna nena tan kan lak loh chuan hlawhtlinna a awm chuang lova, engpawh sawrkar se tihdan dang a awm chuang lo a ni a ti. Pu Thlenga chuan sawrkar laipui atanga tangka kan dawn te hi za a sawm tum turin min ti a, za zela 2 leh tlem te chauh kan la tlin thei a ni tiin zirlai te hian awl mai tum lovin degree la turin tan la ila tun ah pawh swrkar chuan industry peng hnuai ah Call centre a din dawn a, Vaibelchhe khat in bul a tan dawn a, heng ah te hian eng subject nge ka zir ang tih ngaihtuah in fing taka tan lak a tul a ni a ti.

Melriat khua atang hian ram hruaitu leh khawtlang hruaitu tha tak tak an lo chhuah theih nan duhsakna kan hlan che u a, vawiin a hlawhtling thar te pawh a aia sang zawk an thlen ngei theih nan duhsakna a hlan ani. he hun ah hian MZP hqrs atangin fianancial secretary leh hruaitu dang ten an hmanpui a, Pu Hmingchungnunga melriat Govt h/S Headmaster chuan lawmthu sawiin melriat in hetianga result tha an nei chu khawtlang nu leh pa te inpekna rah a ni a ti bawk.Melriat hi in 200 khua a ni. he hun an hman zawh hian Minister hian Kelsih, Falkawn, Hualngohmun khawtlang harsatna leh dinhmun te en in a tlawh nghal a ni.