Mara Autonomous District Council MDC General Election hako la liata hnei awpa liata candidate chyhsa thiepa hmi hmo awhpa ama hlu kaw nata reipa a cha. MDC atlyhna liata a candidate chhuahpazy he thyutliapa ama hlu kawpa ta pahnopa a cha hra. Atahma nota alana dahta cha he bia zy liana heta candidate ama pua nata pangiasapa a cha. 1. Tisi. 2. Tipa Diary. 3. Zyhno. 4. Vahia. zy he ama cha. Bia hro la tawhta chhao ama y lai holo pata pahnopa chata. Candidate achhuahpazy hry liata chano apie chhuapa chhao ama y hra. Atahma nota alana dahta cha B.Ngokei Zyhno bia nata Tluakho N.Laty zy he moh alaluah viapa cha eita. ama ziza chhao ahri kawpa ta pahnopa a cha.
He hawta achanona heta Townchho liata chhao Congress ta bia apahlei awhpa pangiasa achhipa zawpi zy ta ama rei hlu chaipa cha Siaha Vaihpi nata Meisavaih bia zy he abo nata pangiasa achhi leipa hawta reipa chata. Anodeikua Congress asawkha hei pyly nata pangiasapa a cha. He he atahmahla Siaha khi bielohawpa rei hlu chaipa a cha
